700 g laxaflak með roði

1 tsk, salt

1/2 tsk. pipar

3 msk. smjör

Hvítlaukssmjörsósa:

8 hvítlausrif

vatn

1 msk. smjör

1 búnt steinselja

1 dl vatn

100 g mjúkt smjör

2 dl vatn

1/2 tsk. pipar

2-3 tsk. sítrónusafi

Byrjið á sósunni. Afhýðið hvítlaukinn, kjúfið hvert rif eftir endilöngu og fjarlægið kjarnann í miðjunni (hann er stundum grænn ef laukurinn er að byrja að spíra). Sjóðið vatn í litlum potti, setjið hvítlaukinn í sjóðandi vatnið og sjóðið hann í 5 mín. Hellið vatninu frá. Bræðið 1 msk. af smjöri á pönnu og steikið hvítlauksrifin í smjörinu rétt undir meðalhita. Hvítlaukurinn á ekki að brúnast, aðeins að mýkjast í smjörinu. Takið pönnuna af hitanum og geymið hvítlaukinn í smjörinu. Saxið eða klippið steinseljuna niður og látið hana í pott með vatni. Látið suðuna koma upp, hellið síðan steinseljunni í sigti og látið vatnið renna vel af. Hrærið steinseljunni saman við mjúkt smjörið. Sjóðið 2 dl. af vatni með saltinu og piparnum, bætið steinseljusmjörinu smátt og smátt saman við og þeytið vel á milli. Bætið sítórusafanum í sósuna og að lokum hvítlauknum og smjörinu af pönnunni.

Skerið laukinn í fjóra stóra bita eða átta minni bita, saltið og piprið laxabitana og steikið í smjörinu við meðalhita. Berið laxinn fram heitan með hvítlaukssmjörsósunni og steiktum eða soðnum kartöflum og spergilkáli. Það er líka gott að hafa snittubrauð með til að ná upp smjörsósunni. 

f. 4