4 kjúklingabringur, smátt skornar (eða heill kjúklingur, skorinn í litla bita)

1 rauð paprika, smátt skorin

1 græn paprika, smátt skorin

1 gul paprika, smátt skorin

2 gulrætur, smátt skorinn

1/2 blaðlaukur, smátt skorinn

2 hvítlauksgeirar

1 laukur, smátt skorinn

1/2 rautt chili, fræhreinsað og smátt skorið

2 msk. olía

2 dósir saxaðir tómatar

2 kjúklingakraftsteningar

2-3 msk. karrí

örlítið kjúklingakrydd

2-2 1/2 l vatn

1 peli rjómi

1 dós tómatpúrra

1/2 flaska Heinz chili tómatsósa

200 g hreinn rjómaostur

salt og nýmalaður pipar

Hitið olíu á pönnu við vægan hita, saxið grænmetið smátt og steikið í smástund á pönnunni, bara rétt til að fá örlítinn gljáa. Setjið grænmetið í stóran pott, bætið vatninu, tómatpúrra, tómatsósunni, karrí, kjúklingateningum og söxuðum tómötum saman við, leyfið þessu að malla á meðan þið steikið kjúklinginn. 

Skerið kjúklinginn í litla bita og steikið á pönnu upp úr olíu í stundarkorn, kryddið til með kjúklingakryddi, salti og pipar. Bætið kjúklingnum við súpuna. Látið hana sjóða við vægan hita í 10-15 mínn.

Að lokum er rjóminn og rjómaosturinn settur saman við. Gefið ykkur góðan tíma til að laga súpuna, látið hana malla við lágmarki í 30 mín. Ég leyfi henni oft að sjóða við vægan hita í u.þ.b. klst., en þess þarf auðvitað ekki. Bragbætið súpuna að vild, sumir vilja hafa karrí eða meira pipar. Mikilvægt er að prófa sig áfram.

Stór uppskrift, skammtur f.10